திமுக செயல்தலைவருக்கு வாழ்த்துக்கள்

ஜனவரி 4, 2017

கடந்த மாதமாகவே திமுகவினர் பலரும் எதிர்பார்த்த நிகழ்வு நடந்து விட்டது. வேறு வழியே இல்லை. ஸ்டாலின் தான் முதல்வராக வேண்டும். கலைஞரின் கைவண்ணத்தில் உருவான அற்புதமான கதையின் ஹீரோ இப்போது வந்து விட்டார். அண்ணாவினால் உருவாக்கப்பட்டு எம்.ஜி.ஆரினால் வளர்ந்த திமுக எனும் இயக்கத்தின் தலைமை மாறி இருக்கிறது.

ஸ்டாலின் அவர்களுக்கு வாழ்த்துக்கள்!

நாஞ்சில் சம்பத் வகையறாக்கள், இன்டர்னெட் போராளிகள் இந்த நிகழ்வை எப்படிப் பார்ப்பார்கள் என்று கவனிக்க வேண்டும்.

இனிமேல் உதயநிதி ஸ்டாலின் ஹாலிவுட் கதா நாயகிகளுடன் ஜோடி போடுவார். தியேட்டர்கள் எங்கும் உதயநிதி ஸ்டாலின் படமாக வெளிவரும். அனைத்து ஹீரோக்களின் படங்களையும் இவரே தயாரிப்பார். சினிமாவில் பணப்பிரச்சினை தீர்ந்தது. ஹீரோக்கள் இனி 100 கோடி சம்பளம் வாங்குவார்கள். தியேட்டர்களில் இனி டிக்கெட் விலை 1000 ரூபாயாக உயரும். ரஜினியின் படத்தை 5000 கோடியில் தயாரித்து ஹாலிவுட்டிலும் வெளியிடுவார்கள். தன்மானம் மிக்க இளம் தமிழர்கள் புளகாங்கிதம் அடையும் நிகழ்வுகள் இனி நடக்கும்.

சன் டிவி வகையறாக்கள் வானத்தில் பறக்கும் கப்பல்களை வாங்குவார்கள். உலகப் பணக்காரர்களில் சன் குடும்பத்தார் இணைவர். தமிழர்களில் பெரும்பாலானோருக்கு வேலைகள் கிடைக்கும்.

ஆனால் கனிமொழி மற்றும் அழகிரி வகையறாக்கள் தான் என்ன செய்யப்போகின்றார்கள் என்று தெரியவில்லை. ஆஹா..ஆஹ்ஹாஅ…

உதயநிதி ஸ்டாலின் பாசறை உருவாக்கப்படும். இளைஞர்கள் கூட்டம் படையெடுத்து பாசறையில் தங்களை இணைத்துக் கொள்வார்கள். இனி எல்லாம் சுகமே.

அட நொய்யாலே குடிகாரப்பயலே, ஏண்டா இப்படி குறுக்கே புகுந்து ஆட்டத்தைக் கலைக்கிறே ஓடிப்போய்டு..

இன்னும் கொஞ்சம் பாக்கி இருக்கிறதடா சொல்லிட்டுப் போயிடுறேண்டா குஞ்சு.

சொல்லித்தொலை… !

மனுஷ்யபுத் வகையறாக்கள் தமிழகத்தின் அதிகாரமிக்க இருவரில் ஒருவராக தேர்ந்தெடுக்கப்படுவர். சாரு வகையறாக்கள் இனி 2000 ரூபாய் ஜட்டி போடுவார்கள். டாப் அப்புகள் இனி லட்சக்கணக்கில் நடைபெறும்

லூசுக்கம்னாட்டி குடிகாரப்பயலே ஓடிப்போயிடு…

குடிகாரன் டாஸ்மாக்கு போயிட்டான். குஞ்சு வாயில ஜொள்ளு ஒழுக …. வேண்டாம் விட்டு விடலாம்.

என்ன மேகா அரசியலுக்கு அரசியலும் ஆச்சு குஷிக்கு குஷியும் ஆச்சு. ஓகே வா!

– அனாதி


%d bloggers like this: