ரஜினிகாந்த் அரசியலுக்கு வரப்போகிறாரா?

ஜனவரி 19, 2017

தன் புதுப்பட வெளியீட்டு நெருங்குகிற வேளைகளில் ரஜின் தன் திருவாய் மலர்ந்தருள்வது வாடிக்கை. தமிழகத்தில் அசாதரண நிலை நிலவுகிறது. குடும்ப ஆட்சிகள் நடைபெறுகின்றன என்று அரசியல் பேசி இருக்கிறார்.

குடும்ப ஆட்சி நடந்த போது அவர்களின் திரைப்படத்தில் நடித்தார். கோடிகளில் சம்பளம் வாங்கினார். அப்போது குடும்ப அரசியல் நடைபெறுகிறது என்று தெரியவில்லையா? அவர்கள் கொடுத்த சம்பளம் குடும்ப ஆட்சியிலிருந்து வந்தது என்று தெரியவில்லையா?

சினிமாவில் மகள்கள், மருமகன்கள், சம்பந்திகள், சம்பந்திகளின் உறவினர்கள் என்று தங்களுக்குள்ளே படம் தயாரிப்பார்கள், விற்பார்கள், லாபம் சம்பாதிப்பார்கள். அது மட்டும் சரி. சினிமாவில் புதியவர்களை நுழைய விடுகின்றீர்களா? கண்ணுக்குத் தெரியாத ஆயுதங்களைப் பயன்படுத்தி ஒழித்துக் கட்டுகின்றார்கள்.

தாங்கள் ஒரே குடும்பத்துக்குள் செய்தால் எங்களுக்கு சினிமா தவிர்த்து வேறு ஏதும் தெரியாது என்று பேசுவார்கள்.

அதே போலத்தான் அரசியலும். அரசியல் செய்தவர்களுக்கு அரசியல் தவிர்த்து வேறு ஏதும் தெரியாது என்பார்கள். சினிமாவில் குடும்பமே இருக்கலாம் என்கிற போது அரசியலில் இருந்தால் என்ன தவறு? ஏனிந்த எரிச்சல் உங்களுக்கு?

இனி உங்கள் பேச்சை சுத்த தமிழர்கள் எவரும் நம்பி ஏமாற மாட்டார்கள்.

கிமலரும் குகடனும் வரிந்து கட்டிக் கொண்டு அதிமுகவிற்கு எதிராக எழுதுகின்றார்கள். கூபா அரசியலுக்கு வரும் போது வேறு எவரும் வரக்கூடாதா? என்னங்க சார் உங்க பத்திரிக்கை தர்மம்?

ஒருவர் எழுதி இருக்கிறார் மணி அடித்தவர் வாத்தியார் ஆகலாமா? என. ஆரிய தர்மத்தில் வேண்டுமானால் அப்படி இருக்கலாம். ஆனால் தமிழர் சமூகத்தில் அப்படி இல்லை. தமிழர்களுக்குள் சிண்டு முடிந்து விட்டு குளிர்காய்வதிலும் தமிழகத்திற்கு தமிழர் அல்லாது ஆரியரோ அல்லது வேறு ஆட்களோ தலைவராகத்தான் வர வேண்டுமென்று நினைத்து சூதுகளைச் செய்து செய்திகளைப் பரப்பி வரும் கெடுமதியாளர்கள் தின்று கொண்டிருப்பது ஒவ்வொரு தமிழனும் கொடுக்கும் காசுதான். உண்ட வீட்டுக்கே ரெண்டகம் நினைக்கும் சில ஆரியப்பத்திரிக்கைகளை அடையாளம் கண்டுகொண்டு தமிழர்கள் நடத்தும் பத்திரிக்கைகளை வாங்கிப் படிக்க ஆரம்பிக்க வேண்டும்.

இத்தகைய சூதுக்களை இப்போதெல்லாம் வெகு தெளிவாக மக்கள் புரிந்து கொள்கிறார்கள் என்பது கூடத் தெரியாமல் சூதும் வாதும் நிறைச் செய்திகளை தினம்தோறும் வெளியிடுகிறார்கள்.

ஒரு தமிழச்சி தலைவராக ஆவதா என்று வயித்தெரிச்சலில் தினம்தோறும் அதிமுக உடைப்பு என சில்வண்டுகளின் ரீங்காரத்தை செய்திகளாக்கி பொய்யுரைப் பரப்பி வருகின்றார்கள்.

அதற்கு ஒரு சில கபாலிகளும் துணை போகின்றார்கள். ஒவ்வொரு தமிழனும் கொடுத்த காசில் தின்று கொழுப்பெழுத்து செய் நன்றி மறந்து தீங்கு செய்ய நினைத்திடும் தீய சக்திகளை அடையாளம் கண்டு கொள்ள வேண்டும்.

காமராஜர் என்ற தமிழர் ஆட்சியில் இருந்த போது நடந்த மக்கள் நல திட்டங்களைப் போல சுத்த தமிழரான அதிமுக செயலாளரும், தற்போதைய முதன் மந்திரியும் செய்வார்கள் என நம்பலாம்.

தேமுதிகவிலிருந்து பிரிந்து போனவர்களின் தற்போதைய நிலை என்னவென்று அனைவருக்கும் தெரியும். இதே நிலைதான் சுய நலசக்திகளுக்கு துணை போகும் புரியாதவர்களுக்கு ஏற்படும். சக்தி நிறைந்த அதிமுகவை உடைக்க ஆசைப்படும் குள்ள நரிக்கூட்டத்தாரின் நயவஞ்சக சிந்தனைகளைப் புரிந்து கொள்ள முயலுங்கள்.

ஜெயலலிதாவை அடித்து உதைத்து சேலையைக் கிழித்து எரிந்தபோது இன்றைக்கு அரசியல் பேசி, தர்மம் நியாயம் பேசும் எவரும் சென்று காப்பாற்றவில்லை. வேஸ்டியை மடித்துக் கட்டிக் கொண்டு கார்டனின் கேட்டில் விடிய விடிய கண் விழித்து பாதுகாத்து நின்றவர்கள் இன்று பேசுகிறார்கள். கேட்பதற்கு எரிச்சல் வருகிறது. அய்யோ அய்யோ என்று அலருகின்றார்கள்.

அதிமுக ஆதரவாளன் என்று நினைக்கலாம். ஆனால் அதுவல்ல உண்மை. தமிழ் நாட்டினை தமிழர் ஆள வேண்டும் அவ்வளவுதான். அரசியலில் ஊழல் துஷ்பிரயோகம் என்பதெல்லாம் நமக்குள்ளே இருப்பது.

இத்தனை நாள் ஏமாந்தது போதும். சூது செய்யும் பகல் வேஷக்காரர்களையும், தன் இனத்தை மட்டுமே உயர் பொறுப்பில் வைத்திட நினைத்திடும் கூட்டத்தாரையும் புரிந்து கொள்ள வேண்டும்.

என் சாமியைக் கும்பிட எனக்கெதுக்கு ஒரு ஆள் என என்று தமிழர்கள் கேள்வி கேட்க ஆரம்பிக்கின்றார்களோ அன்று ஆரம்பிக்கும் தமிழர்களுக்கான விடியல். வட இந்தியாவில் ஒவ்வொருவரும் தானே பூஜை செய்யலாம். அங்கிருக்கும் கடவுள் அதை ஒத்துக் கொள்கிறார். ஆனால் தென்னிந்தியாவில் அந்தக் கடவுள் ஒத்துக் கொள்ள மாட்டாரா?

– அனாதி


அதிமுக பொதுச்செயலாளர் அவர்களுக்கு வாழ்த்துக்கள்

திசெம்பர் 30, 2016

முதன் முதலாக ஒரு பேரியக்கத்திற்கு தமிழ் பெண் ஒருவர் தலைமை ஏற்றிருப்பது மிக்க மகிழ்ச்சியைத் தருகிறது.  அதிமுகவினர் தங்கள் இயக்கம் ஒரு இரும்புக் கோட்டை என்பதை நிரூபித்திருக்கின்றார்கள்.

அரசியல் செய்தவர்களுக்கும், அரசியலில் ஊறியவர்களுக்கு மட்டுமே அதிமுகவின் தற்போதைய உண்மை நிலமை புரியவரும். பூனை கையில் கிடைத்த பன் போல பிரித்து விடலாம் என்று கங்கனம் கட்டிக் கொண்டு அம்பி பத்திரிக்கைகள் விடாது புரளிகளையும், புரட்டுகளையும் எழுதி எழுதி தள்ளிக் கொண்டிருந்தன. ஒரு தமிழச்சி தலைமைப் பொறுப்புக்கு வருவதா என்ற எரிச்சல் மட்டுமே காரணம்.

போயஸ் தோட்டத்திலே தன்னந்தனியாக இருந்த ஜெ-வைப் பாதுகாத்து அவருக்கு அரண் அமைத்து இது நாள் வரையிலும் கூடவே இருந்து பாதுகாத்து வந்தவரைப் பற்றி வாய் கூசாமல் பலரும் பல வார்த்தைகளில் விமர்சித்து எழுதுகின்றார்கள். எத்தனை முறை ஜெயிலில் கிடந்திருக்கிறார் அவர். எத்தனை முறை ஜெ-வால் வெளியேற்றப்பட்டிருக்கிறார்? காருக்காக காட்டிக் கொடுக்கும் வேலை செய்தவர்களைப் போல ஒரு நாளாவது வாய் திறந்திருப்பார்களா? எதிராக ஒரு வார்த்தைப் பேசியிருப்பார்களா? பதவி இல்லையென்றால் அடுத்த கட்சி தாவி ஓடும் பதர்களைப் போலவும், பதவி கிடைக்கவில்லை என்றால் ஏசும் அரசியல் பதர்களைப் போலவுமா அவர்கள் இருந்தார்கள். உறவினர்கள் சிறையிலடைக்கப்பட்டனரே அப்போதாவது ஜெ-வுக்கு எதிராக ஒரு வார்த்தைப் பேசினாரா?

முதன் முதலாக மன்னார்குடியில் அரசியல் கூட்டத்தைக்கூட்டி அம்மாவுக்கு அரசியலில் நுழைவு ஏற்படுத்திக் கொடுத்தபோது இப்போது வீராவேசம் பேசிக் கொண்டிருந்தவர்கள் எங்கே இருந்தார்கள் அப்போது?

இதோ அப்பாவுக்கு எதிராக போட்டி வேட்பாளர்களை அறிவித்தவர் எல்லாம் அரசியலுக்கு வரலாம். ஆனால் சின்னம்மா வரக்கூடாதாம். என்னே ஒரு சிந்தனை?

எங்கிருந்தோ வந்த மொழிக்கு பதவி கொடுத்ததும் ஒரு வார்த்தை பேசாத வாய்ச்சொல் வீரர்கள், திடீரென்று எம்பி பதவி பெற்று அமைச்சராகி பின்னர் தன் கட்சிக்கே வேட்டு வைத்து விட்டு மீண்டும் அரசியலுக்கு வந்து கூசாமல் மேடை போட்டு பேசிக் கொண்டிருக்கும் நிதிகள் எல்லாம் அரசியலில் பிழைக்கிற போது வார்த்தைகள் எல்லாம் எங்கே போயின?

ஆனால் இவர் வரக்கூடாது என்பது எந்த வகையில் நியாயம் என்று தெரியவில்லை.

பத்திரிக்கைகள் அனைத்தும் உண்மையையே எழுதுகின்றன என்று எவரெல்லாம் நம்புகின்றார்களோ அவர்கள் தான் கைவலிக்க எழுதிக் கொண்டும், திட்டிக் கொண்டும் இருக்கின்றார்கள்.

அனாதி தளத்தினைப் படிப்பவர்களுக்கு நன்கு புரியும். தேவையற்ற விஷயங்களை நாம் எழுதுவதில்லை என்பது.

அதிமுகவினருக்கு நெஞ்சார்ந்த வாழ்த்துக்கள்.

– அனாதி நண்பர்கள் குழாம்.

குறிப்பு : – அரசியல் = ஊழல், அயோக்கியத்தனம். இந்த கணக்கை முதலில் புரிந்து கொள்ளுங்கள். இது இரண்டும் இல்லையென்றால் அரசியலும் இல்லை. அரசாங்கமும் இல்லை.


%d bloggers like this: