2,48,436 கோடி வங்கிக் கடனாளிகள்

ஓகஸ்ட் 9, 2017

பிசினஸ் டுடேயில் இந்த மாதம் வெளி வந்திருக்கும் அதிர்ச்சிக்கட்டுரையினைப் படித்தீர்கள் என்றால் மூளை சூடாகி விடும்.

ஒரே ஒரு டிராக்டர் வாங்கியர் ஒரு மாதம் கடன் கட்டவில்லை என்றவுடன் வங்கியாளர்கள் காவல்துறையை வைத்து மிரட்டி அடித்து சிறைக்குக் கொண்டு சென்றார்களே அந்த கட்ஸ் இரண்டு இலட்சத்து நாற்பத்தெட்டாயிரத்து நானூற்று முப்பத்தாறு கோடி ரூபாய் கடன் செலுத்தாவர்களிடம் செல்லுபடியாகுமா?

ஏழையிடம் செல்லுபவர்கள் இந்த கார்ப்பொரேட் நிறுவனங்களிடம் செல்ல முடியுமா? அந்தளவுக்கு தைரியம் உண்டா?

இந்த வருடம் 12 கம்பெனிகளின் வாராக்கடன் 2,48,436 கோடி ரூபாய். இதற்காக வங்கிகள் முழு வீச்சாக கடன் வசூலிக்க அடுத்த கட்ட நடிவடிக்கைகளை எடுத்துக் கொண்டிருக்கின்றன. இருந்தாலும் அந்தப் பணம் அடுத்த ஆண்டுகளில் வாராக்கடன் லிஸ்டில் சேர்க்கப்பட்டு விடும் அல்லவா?

டெபிட் கார்டுக்கு வருடம் ஒரு தடவை பணம், எஸ்எம்எஸ்க்குப் பணம், செக் புத்தகத்திற்குப் பணம், ஏடிஎம்மில் பணம் எடுத்தால் கமிஷன் என்று மக்களிடம் வசூல் செய்கின்றன. வீட்டில் பணத்தை வைக்கக் கூடாது என்று அரசு சட்டம் போடுகிறது. இவர்களை என்ன செய்யப் போகின்றார்கள் என்று எவருக்கும் தெரியாது.விஜய் மல்லையா இந்தியாவிற்கு வந்து தண்டனை அனுபவிப்பதற்குள் ஆண்டர்சன் கதையாகி விடும் போல.

மற்றொமொறு மேட்டர். இந்த வருடம் மார்ச் வரை ஏழு இலட்சத்து இருபத்தெட்டாயிரம் கோடி ரூபாய் வாராக்கடன் அக்கவுண்ட் மூலம் முடக்கப்பட்டிருக்கிறது என்கிறது பிசினஸ் டுடோ.

அதுமட்டுமல்ல 70 லட்சம் கோடி ரூபாய் வங்கிகள் மூலம் தனியாருக்கு கடனாகக் கொடுக்கப்பட்டிருக்கிறது. இதில் எந்த எந்தக் கம்பெனிகள் கடனை ஒழுங்காகக் கட்டப் போகின்றன? எந்தெந்தக் கம்பெனிகள் மூடப்படப்போகின்றன என்பது அவனுக்குத்தான் வெளிச்சம்.

இரண்டு இலட்ச ரூபாய்க்கு பேப்பரில் நியூஸ் போடும் வங்கிகள் இவர்களைப் பற்றி டிவியிலும், நியூஸ் பேப்பரிலும் செய்திகளை வெளியிட்டாலென்ன? ஏன் செய்யமாட்டேன் என்கிறார்கள். பிசினஸ் டுடே எத்தனை பேர் படிக்கப் போகின்றார்கள்?

அரசாங்கம் இப்படி மக்கள் பணத்தை வைத்து விளையாடும் இத்தகைய கம்பெனிகளின் போக்குகளை கவனித்து அலெர்ட் செய்யக்கூடாதா?

பாவம் இந்தியா? அதன் மக்கள்!!

– அனாதி

( நன்றி பிசினஸ் டுடே)


அதிமுக – உண்மை என்ன?

ஓகஸ்ட் 5, 2017

அதிமுகவில் என்ன தான் நடக்கிறது? எதிர்காலத்தில் என்ன ஆகும்? – கொஞ்சம் விளக்கமுடியுமா அனாதி? – காவ்யா முத்தரசன்.

நான்கு வருடங்களுக்கும் ஒன்றுமே நடக்காது என்று நம்பலாம். ஏனென்றால் இன்றைய நிலையில் பன்னீரோ, எடப்பாடி அவர்களோ, தினகரனோ ஆட்சியைக் கலைத்து விட்டு பொதுமக்களிடம் ஓட்டுக் கேட்கச் சென்றால் ஒருவரும் ஓட்டுப் போட மாட்டார்கள் என்பது அவர்கள் அனைவருக்கும் தெரிந்த உண்மை. அதுமட்டுமல்ல ஆட்சியைக் கலைத்து விடவும் மாட்டார்கள். தினமும் பத்திரிக்கைகளுக்குச் செய்தி கிடைத்த வண்ணம் இருக்கும். தமிழகம் பரபரப்பாய் இருக்கும். மக்கள் நலத்திட்டங்கள் ஒவ்வொன்றும் மத்திய அரசின் விருப்பத்தின் படியே நடக்கும். மத்திய அரசிடம் வலுவான ஐடி, ஊழல், சிபிஐ மூன்றும் இருக்கும் வரையிலும், தவறு செய்தவர்கள் பதவியில் இருக்கும் வரையிலும் அதிமுக அடிமையாகத்தான் இருக்க முடியும். பாதிக்கப்படப்போவது தமிழகம் மட்டுமே.

சசிகலாவை வைத்து கட்சியைப் பலப்படுத்தி இருக்க வேண்டும். ஆனால் டெல்லி சுல்தானேட்டினால் அது முடியாமல் போய் விட்டது. எப்போதும் டெல்லியின் மனதுக்கு கோணல் வராதவாறு நடந்து கொள்ள வேண்டும். இருப்பினும் ஒரு சிலரின் பேராசையினாலும், அவர்கள் செய்த தவறினாலும் அதிமுகவின் இன்றைய நிலை காற்றில் வைத்த சூடம் போல ஆகி விட்டது. சூடம் காற்றில் ஆவியாகி விடும். அது பற்றிய சந்தேகமே வேண்டாம். அது காலத்தின் கட்டாயமாகக் கூட இருக்கலாம்.

அதிமுகவிற்கு ஒரே ஒரு வழி மட்டுமே இருக்கிறது. பதவி ஆசை இல்லாமல், மாபெரும் இயக்கத்தைக் கட்டிக் காத்திட(ஒன்றும் ஆகப்போவதில்லை) அதிமுக தலைமையில் யாராவது ஒருவர் மூலம் ஒன்று சேர்ந்திட வேண்டும். ஆனால் மாட்டார்கள். சசிகலா இருந்தார் என்றால் இந்தப் பிரச்சினை வந்திருக்காது. ஆனாலும் எதுவோ ஒரு புள்ளியில் இணைந்தால் கொஞ்சம் நஞ்சமிருக்கும் அதிமுகவினரின் ஓட்டு வங்கி காப்பாற்றக்கூடும்.

தற்போது களத்தில் நிற்கும் சில அரசியல்கட்சிகளுக்கு அதிமுக சூடத்தின் விளைவாக ஓட்டு வங்கி பிரிந்து விடும் போலத் தெரிகின்றது. திமுக செயல்தலைவருக்கு லட்டாகக் கிடைத்திருக்கும் வாய்ப்பை ஏன் நழுவ விடுகிறார் என்று தான் புரியவில்லை. வாசல் தேடி வந்திருக்கும் வாய்ப்பை வசதியாக ஏற்க மறுக்கிறார். இனி அப்படி ஒரு சான்ஸ் கிடைக்குமா? என்பதெல்லாம் காலத்தின் கையில் இருக்கிறது. இதுவே கலைஞராக இருந்திருந்தால் இன்னேரம் திமுக ஆட்சி நடைபெற்றுக் கொண்டிருக்கும். சரி அது போகட்டும். தலைக்கு மேல் பல கூரான கத்திகளைத் தொங்க விட்டுக் கொண்டிருக்கும் திமுகவின் நிலையும் பரிதாபத்துக்கு உரியதுதான்.

உப்பு என்றாலும் ஊழல் என்றாலும் ஒன்றுதான். தண்ணீர் குடித்தே ஆக வேண்டிய தருணம் வந்தே தீரும் என்பது அதிமுகவின் வரலாறு மூலம் தெரிந்து கொண்டிருக்கிறோம். அதிமுக இனி வரலாற்றில் படிக்கப்பட வேண்டிய பாடமா இல்லை நிகழ்காலத்தில் நடக்க இருக்கும் செய்தியா என்பது அதன் தற்போதைய தலைவர்களால் தேர்ந்தெடுக்கப்பட வேண்டிய விஷயம்.

பிஜேபிக்கு ஒரு சிறிய குறிப்பு : நரசிம்மராவ் ஆட்சியில் உர ஊழல் என்று ஒன்று நடந்ததே அதை ஏன் எவரும் கண்டு கொள்ளவே இல்லை?

– அனாதி

அந்த உர ஊழல் பற்றிய சிறு குறிப்பு கீழே – ( நன்றி : மதிமுக இணையதளம் -ஆசிரியர் செந்திலதிபன்)

நரசிம்மராவ் காலத்தில் இன்னொரு பேர் பெற்ற ஊழல் ‘யூரியா’ ஊழல்; இந்திய அரசின் தேசிய உர நிறுவனம் ( NFL ), துருக்கியில் கார்சன் டானிஸ் மான்லிக் டுரிகாம் சமாயி டிகார்கட் லிமிடெட்(!) என்ற நிறுவனத்திடமிருந்து இரண்டு இலட்சம் டன் யூரியா வாங்கிட 1995, அக்டோபரில் ஒப்பந்தம் போட்டது. ஒப்பந்தம் போடப்பட்ட உடனேயே, தேசிய உர நிறுவனம் சம்பந்தப்பட்ட அமைச்சர் ஒப்புதலுடன், கார்சன் கம்பெனிக்கு உரத்துக்கான முழுத் தொகையைக் கொடுத்து விட்டது. ஆனால், ‘யூரியா’ மட்டும் இறக்குமதி ஆகவில்லை. கார்சன் கம்பெனியின் ஏஜெண்ட், ‘சாய்கிருஷ்ண இம்பெக்ஸ்’ நிறுவனத்தின் பெயரில் ஹைதராபாத் ‘ஏ என் இசர்ட் கிரிண்ட்லேஸ்’ வங்கியில் கணக்கு இருந்தது. அந்தக் கணக்கில் ‘துருக்கி’ நாட்டு கார்சன் கம்பெனி மூலம் கமிஷன் பணம் ஹவலா மூலம் அனுப்பி வைக்கப்பட்டது. அதாவது, ‘யூரியா’ இறக்குமதி செய்யாமலேயே இறக்குமதி ஆனதாகக் காட்டி, கமிஷன் தொகை கறக்கப்பட்டது. இந்த யூரியா ஊழலை விசாரித்த சிபிஐ, கார்சன் நிறுவனம் ஒரு ‘உப்புமா’ கம்பெனி என்றும் கண்டு பிடித்தது. இதில் ஆதாயம் அடைந்த பிரதமர் நரசிம்மராவ் உறவினர் பி.சஞ்சீவராவ், மத்திய அமைச்சராக இருந்த ராம் லக்கன் சிங் யாதவ் மகன் பிரகாஷ்சந்திர யாதவ், தேசிய உர நிறுவனத்தின் முன்னாள் நிர்வாக இயக்குநர் சி.கே.இராமகிருஷ்ணன் ஆகியோர் மீது குற்றப்பத்திரிகை தாக்கல் செய்யப்பட்டது.

இணைப்பு:

உர ஊழல் – சிறு குறிப்பு


அனாதிக்கு மேகாவின் வேண்டுகோள்

ஜனவரி 4, 2017

அன்பு நண்பா அனாதி,

எப்போதாவது வந்து ஏதாவது எழுதி வைத்து விடுகிறாய். நமக்கு அரசியல் எல்லாம் செட்டாகாது அனாதி. அரசி இயல் தான் நமக்குச் செட்டாகும்.

சதா இப்போது விஜய் டிவியில் உதட்டைச் சுழித்துக் கொண்டு கிக்காட்டிக் கொண்டிருக்கிறாரே அதைப் பார்ப்பதை விடவா நமக்கு இந்த அரசியல் முக்கியம்?

உன் ரகசிய சினேகிதிகளின் கதைகளை அவிழ்த்து விடு நண்பா? தயவு செய்து இனி அரசியல் பதிவுகளை எழுதாதே. கிளுகிளுப்பாகவே இல்லை.

– மேகா, சென்னை


அம்பிகளின் சூழ்ச்சி வலையில்

திசெம்பர் 22, 2016

தலைப்பே காரணத்தைச் சொல்லும். விஷயம் அவ்வளவு தான்.

மேலும் மேலும் சின்னப்பிள்ளைகளுக்கு சொல்லுவது போல விவரிக்கமுடியாது. சூழ்ச்சிகளில் சிக்கி சின்னாபின்னமாக வேண்டாம் என்பதை விவரம் தெரிந்தவர்கள் உணர்வார்கள்.

எல்லாம் அம்பிகளின் வேலை. அவ்வளவு தான் மேட்டர்.

– குஞ்சு

 


ஆத்மா சாந்தியடையட்டும்

திசெம்பர் 8, 2016

முன்னாள் முதல்வரும் மனம் கவர்ந்த சிறந்த நடிப்புத் தேவதையும், மனிதாபிமானமிக்கவருமான ஜெ அவர்களின் ஆத்மா சாந்தியடைய இறைவனிடம் பிரார்த்திக்கின்றோம்.

அனாதிக்கும் குஞ்சுவுக்கும் ஒரு உரையாடல்:

”ஏம்பா அனாதி நாளிதழ்களில் ஒருவர் கூட ஆபிச்சுவரி விளம்பரம் கொடுக்கவில்லையே பார்த்தாயா?”

”ஆமாம் அதற்கென்ன?”

”என்னப்பா இப்படி பட்டென்று சொல்லி விட்டாய். அதற்குள்ளாவாகவா மறந்து விட்டார்கள்?”

“அரசியலில் அதிகாரத்துக்கு மட்டுமே மரியாதை குஞ்சு?”

– அனாதி மற்றும் குஞ்சு


பெரியமனிதர்களின் ரகசியக் கல்யாணங்கள்

மே 27, 2016

சென்னையில் குடி, குட்டி, சாப்பாடு இதைத்தவிர வேறு ஏதும் பொழுது போக்கும் அம்சங்கள் இல்லை. சினிமாவோ குண்டியாட்டிகளின் ஒரே மாதிரியான ஆட்டங்களையும், கிழட்டு ஹீரோக்கள் இளம் கதா நாயகிகளை புணர நடிப்பதையும் கண்டு வெறுத்துப் போய்விட்டது.

சென்னையின் மிக உயர்ந்த பாரில் நானும் அனாதியும் அமர்ந்திருந்தோம். அருகிலிருந்து ஒரு டேபிளில் கரை வேட்டிக் கூட்டமொன்று அமர்ந்திருந்தது. அவர்களின் பேசிக் கொண்டிருந்ததைக் கேட்டுக் கொண்டிருந்த எனக்குத் தலை சுற்றியது.

தேர்தலுக்கு மூன்று நாட்களுக்கு முன்புதான் அண்ணன் புதியதாக ஒரு இளம் பெண்ணைத் திருமணம் செய்து கொண்டாராம். அந்தப் பெண்ணுடன் இவர் ஒரு மாதம் குடும்பம் நடத்துவாராம். அந்தப் பெண்ணைக் கல்யாணம் செய்து கொண்டால் நிச்சயம் ஜெயித்து விடலாம் என்று ஜோசியக்காரர்கள் சொல்லிய பிறகுதான் கல்யாணம் செய்து கொண்டாராம். இப்போது அவர் எம்.எல்.ஏவாம்.

இதுதான் அவர்கள் தங்களுக்குள் பேசிக் கொண்டிருந்த செய்தி. உண்மையா பொய்யா என்பதெல்லாம் தெரியவில்லை.

அமைதிப்படையில் நாகராஜ சோழனின் கதை தான் இதுவோ என்று நினைத்தேன். நடக்காத சம்பவத்தையா திரைப்படத்தில் காட்டப்போகின்றார்கள் என்றான் அனாதி.

எனக்கு எரிச்சல் ஏற்பட்டதால் எழுந்து வந்து விட்டேன். பணமும், பதவியும், அதிகாரமும் மனிதர்களை எந்த எல்லைக்கும் கொண்டு சென்று விடுகிறது என்பதை நினைக்கும் போது, மனிதன் அணுகுண்டை விட அதிபயங்கர மிருகம் என்றே நினைக்கத் தோன்றியது. பாவம் அந்த இளம் பெண். யார் பெற்ற பெண்ணோ? அந்தப் பெண்ணுக்கு என்னென்ன கனவுகள் இருந்தனவோ? அவளின் நிலையை நினைத்து என்னால் அந்த இரவு தூங்கக் கூட முடியவில்லை. மனது பாரம் தாங்காமல் கண்களில் கண்ணீர் துளிர்த்து நின்றது.

அந்தப் பெண் எதற்காக இந்த ஒரு முடிவிற்கு ஒப்புக் கொண்டாளோ தெரியவில்லை. அவளின் சூழல் எப்படி இருந்ததோ தெரியவில்லை. அவளுக்காக எனது கண்களிலிருந்து கண்ணீர் கசிகிறது.

– குஞ்சு


42 – ஜாக்கிரதை

மே 3, 2016

தமிழர்களிடம் கேட்க வேண்டிய கேள்விகள் ஒரு சில இருக்கின்றன.

தமிழர்களுக்கு தமிழ் மொழி போல இசை என்று ஒன்று இருக்கிறது. அதைப் பற்றி தமிழ் சமூகங்களில் வாழ்பவர்களுக்கோ அல்லது அவர்களின் குழந்தைகளுக்கோ ஏதாவது தெரியுமா?

தமிழர்களின் இசை என்றால் அது தியாகராஜ பாடல்களில் இருந்து ”பு” என்று பாட்டுப் போடும் சுனிருத் போன்ற வேகாதா வேக்காடுகள் போடும் பாடல்கள் தான் நினைவுக்கு வரும்.

தேவாரமும், திருவாசகமும் கர்நாடக இசைப்பாணியிலே தான் பாடப்படுகிறது. நாசமாப் போன சினிமாப் பாடல்களில் குஞ்சாமணி போன்ற எப்போதும் பு.சு நினைவிலிருப்போருக்கு வேண்டுமெனில் சுகமாக இருக்கலாம். ஆனால் உண்மை என்ன?

சிந்தித்துப் பார்க்க வேண்டிய கருத்து.

அது சரி! அடுத்த படம் 41க்கு வசூலைக் குவிக்க டிவிக்களில் ஆஹா ஓஹோ என்று பேட்டிகள் வலம் வர ஆரம்பித்து விட்டன. குசு விட்டதைக் கூட பேட்டியில் பேசிக் கொண்டிருக்கின்றார்கள். தமிழர்களிக்கு தங்களின் வரலாறு தெரிகிறதோ இல்லையோ சினிமாவைப் பற்றி அனைத்தையும் தெரிந்து வைத்திருக்கிறார்கள்.

இதனால் படம் பார்க்கும் தமிழர்களுக்கு என்ன பிரயோஜனம் என்று கேட்டால் பொழுது போக்கு என்கிறார்கள்.

தியேட்டர்களுக்குச் சென்று படம் பார்ப்பதை நிறுத்தினால் நடக்கும் நன்மைகள் கொஞ்ச நஞ்சமல்ல. டிவி பார்ப்பதை நிறுத்தினால் வீட்டில் மகிழ்ச்சிக்கு எல்லையே இல்லை.

– குடிகாரன்


%d bloggers like this: