2,48,436 கோடி வங்கிக் கடனாளிகள்

ஓகஸ்ட் 9, 2017

பிசினஸ் டுடேயில் இந்த மாதம் வெளி வந்திருக்கும் அதிர்ச்சிக்கட்டுரையினைப் படித்தீர்கள் என்றால் மூளை சூடாகி விடும்.

ஒரே ஒரு டிராக்டர் வாங்கியர் ஒரு மாதம் கடன் கட்டவில்லை என்றவுடன் வங்கியாளர்கள் காவல்துறையை வைத்து மிரட்டி அடித்து சிறைக்குக் கொண்டு சென்றார்களே அந்த கட்ஸ் இரண்டு இலட்சத்து நாற்பத்தெட்டாயிரத்து நானூற்று முப்பத்தாறு கோடி ரூபாய் கடன் செலுத்தாவர்களிடம் செல்லுபடியாகுமா?

ஏழையிடம் செல்லுபவர்கள் இந்த கார்ப்பொரேட் நிறுவனங்களிடம் செல்ல முடியுமா? அந்தளவுக்கு தைரியம் உண்டா?

இந்த வருடம் 12 கம்பெனிகளின் வாராக்கடன் 2,48,436 கோடி ரூபாய். இதற்காக வங்கிகள் முழு வீச்சாக கடன் வசூலிக்க அடுத்த கட்ட நடிவடிக்கைகளை எடுத்துக் கொண்டிருக்கின்றன. இருந்தாலும் அந்தப் பணம் அடுத்த ஆண்டுகளில் வாராக்கடன் லிஸ்டில் சேர்க்கப்பட்டு விடும் அல்லவா?

டெபிட் கார்டுக்கு வருடம் ஒரு தடவை பணம், எஸ்எம்எஸ்க்குப் பணம், செக் புத்தகத்திற்குப் பணம், ஏடிஎம்மில் பணம் எடுத்தால் கமிஷன் என்று மக்களிடம் வசூல் செய்கின்றன. வீட்டில் பணத்தை வைக்கக் கூடாது என்று அரசு சட்டம் போடுகிறது. இவர்களை என்ன செய்யப் போகின்றார்கள் என்று எவருக்கும் தெரியாது.விஜய் மல்லையா இந்தியாவிற்கு வந்து தண்டனை அனுபவிப்பதற்குள் ஆண்டர்சன் கதையாகி விடும் போல.

மற்றொமொறு மேட்டர். இந்த வருடம் மார்ச் வரை ஏழு இலட்சத்து இருபத்தெட்டாயிரம் கோடி ரூபாய் வாராக்கடன் அக்கவுண்ட் மூலம் முடக்கப்பட்டிருக்கிறது என்கிறது பிசினஸ் டுடோ.

அதுமட்டுமல்ல 70 லட்சம் கோடி ரூபாய் வங்கிகள் மூலம் தனியாருக்கு கடனாகக் கொடுக்கப்பட்டிருக்கிறது. இதில் எந்த எந்தக் கம்பெனிகள் கடனை ஒழுங்காகக் கட்டப் போகின்றன? எந்தெந்தக் கம்பெனிகள் மூடப்படப்போகின்றன என்பது அவனுக்குத்தான் வெளிச்சம்.

இரண்டு இலட்ச ரூபாய்க்கு பேப்பரில் நியூஸ் போடும் வங்கிகள் இவர்களைப் பற்றி டிவியிலும், நியூஸ் பேப்பரிலும் செய்திகளை வெளியிட்டாலென்ன? ஏன் செய்யமாட்டேன் என்கிறார்கள். பிசினஸ் டுடே எத்தனை பேர் படிக்கப் போகின்றார்கள்?

அரசாங்கம் இப்படி மக்கள் பணத்தை வைத்து விளையாடும் இத்தகைய கம்பெனிகளின் போக்குகளை கவனித்து அலெர்ட் செய்யக்கூடாதா?

பாவம் இந்தியா? அதன் மக்கள்!!

– அனாதி

( நன்றி பிசினஸ் டுடே)


படம் சொல்லும் உண்மை – ஏமாளி இந்தியர்கள்

ஓகஸ்ட் 8, 2017

கடந்த மாதமே படித்து விட்டேன். தற்போதுதான் நேரம் கிடைத்தது அப்லோடு செய்ய. இந்தக் கடன்கள் எங்கிருந்து பெறப்பட்டவை என்பது விஜய மல்லையா போன்று சம்பவங்கள் நடந்தால் தெரிய வரலாம். இதற்கு யார் பொறுப்பு ஏற்பது என்பது எவருக்கும் தெரியாது. முடங்கப் போகும் பணம் மக்களிடமிருந்து கிடைத்தவை என்பதை மட்டும் உண்மை.  இந்த இதழில் அனில் அம்பானியின் ஆர் காம் பற்றிய கட்டுரை வந்திருக்கிறது. ஒரே திகில் தான். ஒரு வேளை சோறு கிடைக்காமல் சாகின்றார்கள் இந்தியர்கள். ஒரே ஒருவர் செய்யும் நஷ்டம் லட்சம் கோடிகளில்.  ஜனநாயகம் என்பது இதுதானோ??? – அனாதி

15021840916611502184171501

நன்றி : பிசினஸ் டுடே.


அதிமுக – உண்மை என்ன?

ஓகஸ்ட் 5, 2017

அதிமுகவில் என்ன தான் நடக்கிறது? எதிர்காலத்தில் என்ன ஆகும்? – கொஞ்சம் விளக்கமுடியுமா அனாதி? – காவ்யா முத்தரசன்.

நான்கு வருடங்களுக்கும் ஒன்றுமே நடக்காது என்று நம்பலாம். ஏனென்றால் இன்றைய நிலையில் பன்னீரோ, எடப்பாடி அவர்களோ, தினகரனோ ஆட்சியைக் கலைத்து விட்டு பொதுமக்களிடம் ஓட்டுக் கேட்கச் சென்றால் ஒருவரும் ஓட்டுப் போட மாட்டார்கள் என்பது அவர்கள் அனைவருக்கும் தெரிந்த உண்மை. அதுமட்டுமல்ல ஆட்சியைக் கலைத்து விடவும் மாட்டார்கள். தினமும் பத்திரிக்கைகளுக்குச் செய்தி கிடைத்த வண்ணம் இருக்கும். தமிழகம் பரபரப்பாய் இருக்கும். மக்கள் நலத்திட்டங்கள் ஒவ்வொன்றும் மத்திய அரசின் விருப்பத்தின் படியே நடக்கும். மத்திய அரசிடம் வலுவான ஐடி, ஊழல், சிபிஐ மூன்றும் இருக்கும் வரையிலும், தவறு செய்தவர்கள் பதவியில் இருக்கும் வரையிலும் அதிமுக அடிமையாகத்தான் இருக்க முடியும். பாதிக்கப்படப்போவது தமிழகம் மட்டுமே.

சசிகலாவை வைத்து கட்சியைப் பலப்படுத்தி இருக்க வேண்டும். ஆனால் டெல்லி சுல்தானேட்டினால் அது முடியாமல் போய் விட்டது. எப்போதும் டெல்லியின் மனதுக்கு கோணல் வராதவாறு நடந்து கொள்ள வேண்டும். இருப்பினும் ஒரு சிலரின் பேராசையினாலும், அவர்கள் செய்த தவறினாலும் அதிமுகவின் இன்றைய நிலை காற்றில் வைத்த சூடம் போல ஆகி விட்டது. சூடம் காற்றில் ஆவியாகி விடும். அது பற்றிய சந்தேகமே வேண்டாம். அது காலத்தின் கட்டாயமாகக் கூட இருக்கலாம்.

அதிமுகவிற்கு ஒரே ஒரு வழி மட்டுமே இருக்கிறது. பதவி ஆசை இல்லாமல், மாபெரும் இயக்கத்தைக் கட்டிக் காத்திட(ஒன்றும் ஆகப்போவதில்லை) அதிமுக தலைமையில் யாராவது ஒருவர் மூலம் ஒன்று சேர்ந்திட வேண்டும். ஆனால் மாட்டார்கள். சசிகலா இருந்தார் என்றால் இந்தப் பிரச்சினை வந்திருக்காது. ஆனாலும் எதுவோ ஒரு புள்ளியில் இணைந்தால் கொஞ்சம் நஞ்சமிருக்கும் அதிமுகவினரின் ஓட்டு வங்கி காப்பாற்றக்கூடும்.

தற்போது களத்தில் நிற்கும் சில அரசியல்கட்சிகளுக்கு அதிமுக சூடத்தின் விளைவாக ஓட்டு வங்கி பிரிந்து விடும் போலத் தெரிகின்றது. திமுக செயல்தலைவருக்கு லட்டாகக் கிடைத்திருக்கும் வாய்ப்பை ஏன் நழுவ விடுகிறார் என்று தான் புரியவில்லை. வாசல் தேடி வந்திருக்கும் வாய்ப்பை வசதியாக ஏற்க மறுக்கிறார். இனி அப்படி ஒரு சான்ஸ் கிடைக்குமா? என்பதெல்லாம் காலத்தின் கையில் இருக்கிறது. இதுவே கலைஞராக இருந்திருந்தால் இன்னேரம் திமுக ஆட்சி நடைபெற்றுக் கொண்டிருக்கும். சரி அது போகட்டும். தலைக்கு மேல் பல கூரான கத்திகளைத் தொங்க விட்டுக் கொண்டிருக்கும் திமுகவின் நிலையும் பரிதாபத்துக்கு உரியதுதான்.

உப்பு என்றாலும் ஊழல் என்றாலும் ஒன்றுதான். தண்ணீர் குடித்தே ஆக வேண்டிய தருணம் வந்தே தீரும் என்பது அதிமுகவின் வரலாறு மூலம் தெரிந்து கொண்டிருக்கிறோம். அதிமுக இனி வரலாற்றில் படிக்கப்பட வேண்டிய பாடமா இல்லை நிகழ்காலத்தில் நடக்க இருக்கும் செய்தியா என்பது அதன் தற்போதைய தலைவர்களால் தேர்ந்தெடுக்கப்பட வேண்டிய விஷயம்.

பிஜேபிக்கு ஒரு சிறிய குறிப்பு : நரசிம்மராவ் ஆட்சியில் உர ஊழல் என்று ஒன்று நடந்ததே அதை ஏன் எவரும் கண்டு கொள்ளவே இல்லை?

– அனாதி

அந்த உர ஊழல் பற்றிய சிறு குறிப்பு கீழே – ( நன்றி : மதிமுக இணையதளம் -ஆசிரியர் செந்திலதிபன்)

நரசிம்மராவ் காலத்தில் இன்னொரு பேர் பெற்ற ஊழல் ‘யூரியா’ ஊழல்; இந்திய அரசின் தேசிய உர நிறுவனம் ( NFL ), துருக்கியில் கார்சன் டானிஸ் மான்லிக் டுரிகாம் சமாயி டிகார்கட் லிமிடெட்(!) என்ற நிறுவனத்திடமிருந்து இரண்டு இலட்சம் டன் யூரியா வாங்கிட 1995, அக்டோபரில் ஒப்பந்தம் போட்டது. ஒப்பந்தம் போடப்பட்ட உடனேயே, தேசிய உர நிறுவனம் சம்பந்தப்பட்ட அமைச்சர் ஒப்புதலுடன், கார்சன் கம்பெனிக்கு உரத்துக்கான முழுத் தொகையைக் கொடுத்து விட்டது. ஆனால், ‘யூரியா’ மட்டும் இறக்குமதி ஆகவில்லை. கார்சன் கம்பெனியின் ஏஜெண்ட், ‘சாய்கிருஷ்ண இம்பெக்ஸ்’ நிறுவனத்தின் பெயரில் ஹைதராபாத் ‘ஏ என் இசர்ட் கிரிண்ட்லேஸ்’ வங்கியில் கணக்கு இருந்தது. அந்தக் கணக்கில் ‘துருக்கி’ நாட்டு கார்சன் கம்பெனி மூலம் கமிஷன் பணம் ஹவலா மூலம் அனுப்பி வைக்கப்பட்டது. அதாவது, ‘யூரியா’ இறக்குமதி செய்யாமலேயே இறக்குமதி ஆனதாகக் காட்டி, கமிஷன் தொகை கறக்கப்பட்டது. இந்த யூரியா ஊழலை விசாரித்த சிபிஐ, கார்சன் நிறுவனம் ஒரு ‘உப்புமா’ கம்பெனி என்றும் கண்டு பிடித்தது. இதில் ஆதாயம் அடைந்த பிரதமர் நரசிம்மராவ் உறவினர் பி.சஞ்சீவராவ், மத்திய அமைச்சராக இருந்த ராம் லக்கன் சிங் யாதவ் மகன் பிரகாஷ்சந்திர யாதவ், தேசிய உர நிறுவனத்தின் முன்னாள் நிர்வாக இயக்குநர் சி.கே.இராமகிருஷ்ணன் ஆகியோர் மீது குற்றப்பத்திரிகை தாக்கல் செய்யப்பட்டது.

இணைப்பு:

உர ஊழல் – சிறு குறிப்பு


ஏமாளித்தமிழர்கள் – பிக்பாஸின் சோதனை

ஓகஸ்ட் 4, 2017

இன்றைக்கு திடீரென விகடனைத் திறந்தால் பிக்பாஸ் நிகழ்ச்சியில் ஓவியாவின் நிலை பற்றிய கட்டுரையை எழுதி இருந்தது. விகடன் ஏன் வேலி ஓணாணை எடுத்து ஜட்டிக்குள் போட்டுக் கொள்கிறது என்றொரு கேள்வி எழுந்தது.

மீடியாக்கள் ஒவ்வொன்றும் ஒன்றுக்கொன்று கண்ணுக்குத் தெரியாத இணைப்பை தங்களுக்குள் வைத்திருக்கின்றன என்பதற்கு இது ஒரு உதாரணம். விகடனுக்கும் விஜய் டிவிக்கு ஒரு ரகசிய பிணைப்பு இருக்கிறது போலும். விஜய் டிவியின் முதலாளி அமெரிக்கா, விகடனுக்கு அம்பி முதலாளி. விஜய் டிவியில் தோன்றுவது அம்பி. மீறன் பிரதர்ஸால் கொண்டு வரப்பட்ட சட்டம் மட்டும் இல்லையென்றால் விஜய் டிவியின் செய்தி சானல் தமிழகத்தைக் கபளீகரம் செய்திருக்கும். அது நடக்கவில்லை. இதற்கெல்லாம் ஒரு முடிச்சு இருக்கிறது.

தமிழக வரலாற்றைப் பார்த்தீர்கள் என்றால் அண்ணா, கலைஞர், எம்ஜியார், ஜெயலலிதா போன்றவர்கள் சினிமா மூலம் கிடைத்த புகழை வைத்து அரசியலுக்கு வந்து ஆட்சி செய்தவர்கள். சினிமா தமிழக மக்களின் மீது இதுவரௌ உருவாக்கிய தாக்கம் அத்தகையது. ஆனால் விஜயகாந்தால் அந்தளவுக்கு மக்களின் மத்தியில் தாக்கத்தை ஏற்படுத்த இயலவில்லை. தமிழகமக்கள் சினிமாக்காரனுக்கு முக்கியத்துவம் கொடுக்க விரும்பவில்லை என்று தெரியவருகிறது.

சமீபகாலமாக ரஜினி,கமல், விஜய், அஜித் படங்கள் எல்லாம் மண்ணைக் கவ்வுகின்றன. பெரிய ஹீரோ, பெரிய இயக்குனர் என்று நினைத்துப் படம் எடுத்தவர்கள் கோடிகளில் இழந்திருக்கின்றார்கள். கமலை வைத்துப் படம் எடுத்தால் என்ன ஆகும் என்று அவரின் தயாரிப்பாளர்களைக் கேட்டுக் கொண்டு தெரிந்து கொள்ளுங்கள். சினிமாவின் தாக்கம் தமிழக மக்களிடம் குறைந்திருக்கிறது என்பது அப்பட்டமான உண்மை.

இந்தச் சூழலில் பத்தாண்டுகளாக இந்தியா மட்டுமல்ல உலகெங்கும் ஒளிபரப்பப்படும் பிக் பாஸ் போன்ற நிகழ்ச்சிகள் திடீரென்று தமிழகத்தில் ஒளிபரப்ப என்ன காரணம் என்று யாராவது சிந்தித்தீர்களா?

எவிக்சன் போது பரணிக்கு ஒரு கோடிக்கும் மேல் ஓட்டுக் கிடைத்திருக்கிறது என்பதும் ஓவியாவிற்கு கோடிக்கும் மேல் ஓட்டுக் கிடைக்கிறது என்பது சாதாரணமான விஷயம் இல்லை. தமிழக பெரும் கட்சிகள் பெறுவதும் ஒரு கோடி ஓட்டுதான். பிக்பாஸில் உலகெங்கிலிருந்தும் ஓட்டுப் போடுகிறார்கள் என்று வைத்துக் கொண்டாலும் தமிழக மக்களிடையே பரணிக்கும், ஓவியாவிற்கும் கிடைக்கும் ஆதரவு கவனிக்க வேண்டியதாகும். கமலின் சமீபத்திய அரசியல் பேட்டிகள் பல கதைகளை என் முன்னால் விரிக்கின்றன.

இனி தமிழ் சினிமாவினால் சாதிக்க முடியாது என்பதை சினிமாக்காரர்கள் தெரிந்து வைத்திருக்கின்றார்கள். அவர்கள் என்ன செய்தாலும் சிறிய கூட்டமொன்று தான் கைதட்டும் என்றும் தெரிந்து வைத்திருக்கின்றார்கள். இனி சினிமாவால் பிரயோஜனம் இல்லை என்றும் புரிந்து வைத்திருக்கிறார்கள். சினிமா ஆசை உள்ளவர் எவரானாலும் அழகான சினிமாவை எடுக்கும் அளவுக்கு டிவிக்கள் பாடம் நடத்தி இருக்கின்றன. டெக்னாலஜியும் வளர்ந்திருக்கின்றன. ஹீரோயிசம் இனி எடுபடாது என்பது சுய நலச் சிந்தனைவாதிகளான சினிமாக்காரர்களுக்குப் புரிந்திருக்கின்றது.

அதனால் தான் தமிழக மக்களை மூளைச் சலவை செய்ய டிவிக்கள் சரியானவதானா என்றொரு தேர்வினை நடத்துகின்றார்கள். அந்தத் தேர்வின் மூலம் அடுத்து அடுத்து நடக்க இருக்கும் நிகழ்வுகளை அவர்கள் உருவாக்குவார்கள். பிக்பாஸ் அதற்கான ஒரு களம்.

மக்கள் தான் இவர்களிடமிருந்து வெகு ஜாக்கிரதையாக இருக்க வேண்டும். மணி ரத்னம் படங்கள் தமிழ் கலாச்சாரத்தின் மீதான தாக்குதல்களாகவே இருக்கின்றன. பாலச்சந்தரின் படங்கள் மட்டும் விதி விலக்கல்ல. விஜய் டிவியின் தொடர்கள் தமிழ் கலாச்சாரத்திற்கு எதிரானவையாக இருந்து வருகின்றன.

விஜய் டிவியை வைத்து நன்றாகக் கொழுத்த சம்பாத்தியத்தைச் செய்பவர் ஆர்ஜே செந்தில் மட்டுமே. மதுரையில் மீனாட்சியைக் காதலித்துக் கரம் பிடித்தார். சரவணன் மீனாட்சியில் மீனாட்சியைக் காதலித்து திருமணம் செய்தார். மாப்பிள்ளையில் மீனாட்சியைக் காதலித்து சற்றே குடும்பம் நடத்துகிறார். இனி பேரப்பிள்ளைகள் பற்றிய தொடரும் வரும். ஒரே பெண், ஒரே ஆண். கரு – காதல். சலிக்காமல் எப்படித்தான் பார்க்கின்றார்களோ தெரியவில்லை.

கொழுத்த குட்டி யானை சைசுக்கு இருப்போருக்கு திருமணம் என்கிறார்களே அதையெல்லாம் சகித்துக் கொள்கிறார்களா தமிழக மக்கள். அதாவது பரவாயில்லை, குட்டியானைக்குட்டிக்குக் குட்டிப்பாவாடை போட்டு விடுகின்றார்களே அது என்ன தான் ரசனையோ தெரியவில்லை.

இந்தளவுக்கு கேனத்தனமான இளிச்சவாய் மக்கள் தமிழ் நாட்டைத் தவிர வேறெங்கும் இருக்க மாட்டார்கள். வீட்டுக்குள் இருக்கும் சைத்தானிடம் வெகு ஜாக்கிரதையாக இருங்கள். இல்லையென்றால் மீண்டும் ஏதோ ஒரு அம்பியிடம் தமிழகம் அடிமையாகக் கிடக்கக் கூடிய சூழல் உருவாகி விடும். சொல்ல வேண்டியதைச் சொல்லி விட்டேன்.

– குடிகாரன்

குறிப்பு : தன் தலையில் தானே மண்ணை அள்ளிப் போட்டுகொள்கிறார்கள் பிக் பாஸின் நடிகர்கள். முதன்மைப் பாதிப்பு ஜூலிக்கு மட்டுமே! தெருவில் இறங்கி நடக்க முடியுமா அந்தப் பெண்ணால் என்பது தெரியவில்லை. என்ன ஆகுமோ?


வைத்தியா கேசவ அய்யரின் பசிதம்பரத்தின் ஊழல் மற்றும் சிதம்பர ரகசியம்

மே 26, 2017

தேடித் தேடிப் பார்த்தேன். எந்தப் பத்திரிக்கையிலும் செய்தி வரவில்லை. டிவியிலும் கூட இல்லை. இது உண்மையா பொய்யா என்றும் தெரியவில்லை. ஏனென்றால் ப.சிக்குத் தெரியாத விஷயம் இல்லை. அவர் ஒரு வக்கீல். போதாதற்கு அவரின் மனைவியும் வக்கீல். இத்தனைச் சொத்துக்களுக்கு உரிமையாளர்கள் என்றால் அதையும் சட்டப்படிதான் செய்திருப்பார்கள். இந்தக் கட்டுரையின் நம்பகத்தன்மை மீது சந்தேகம் வரக்காரணம் கேசவ அய்யர் என்ற வார்த்தைகள் தான். ஏதோ ஒரு சந்தேகம் இருந்து கொண்டே இருக்கிறது. இருந்தாலும் அந்த கட்டுரையைப் படித்து விடுங்கள். இது அத்தனையும் உண்மையாக இருந்தால் அப்பப்பா?

http://postcard.news/p-chidambaram-biggest-corrupt-man-india-ever-saw-will-shocked-know-amount-looted/

அடுத்து சிதம்பர ரகசியம் என்றொரு தலைப்பில் வெளியான கட்டுரை கீழே.

https://www.pgurus.com/chidambara-rahasya-details-of-huge-secret-assets-foreign-bank-accounts-of-chidambaram-family/


மந்தாகினியும் மசரெட்டியும்

மே 23, 2017

மசுரு ரெட்டி என்று எழுத வேண்டியதை மசரெட்டி என்று எழுதி இருக்கிறார் என்று நினைக்காதீர்கள். சுமார் இரண்டு கோடி ரூபாய் மதிப்பு கொண்ட கஸ்டம் பில்டு காரின் பெயர் தான் மசரெட்டி. சொகுசுக்கார். உள்ளே கொஞ்சம் கூட உறுமல் சத்தம் கூட கேட்காத, அதிராத கார். வாடிக்கையாளர்களின் தேவைக்கு ஏற்ப உற்பத்தி செய்து தரப்படுபவை இவைகள். உலகின் அதி பணக்காரர்கள் என்பதை விட பெண்களின் மீதும், உணவின் மீதும்,
வித்தியாசமான வாழ்க்கையின்மீதும் அதீத பற்றுக் கொண்ட ரசனையாளர்களின் தேர்வு தான் மசரெட்டி கார். உல்லாச உலகம் சாலையில் வலம் வருவது என்று வைத்துக் கொள்ளுங்களேன்.

ஒரு சிலர் தன் பிறந்த நாளைக் காரின் எண்ணாக வைப்பர். அதாவது எனது பிறந்த நாளான 4.7.1986ஐ 4786 என்று வைக்கலாம். தங்கள் வைத்திருக்கும் காரினைக் கூட தன் ஆளுமைக்குள் வைத்துக்கொள்ளும் மனப்பாங்கு உடையவர்கள் அவர்கள். இப்படிப்பட்ட ரசனையான மனிதர்கள் உலகில் அனேகம்.

பணம் சம்பாதிப்பது பெரிதல்ல. பிச்சைக்காரன் கூட சம்பாதிக்கிறான். ஆனால் வாழத் தெரிய வேண்டும். அதன் தாத்பரியம் தெரிய வேண்டும். நம்ம குஞ்சு இருக்கின்றானே, அவன் அப்படித்தான். ஹோட்டலில் வேலை செய்வான், திடீரென்று ஃபார்ச்சூனர் காணாமல் போய் இருக்கும். போன் செய்தால் கூட பேசமாட்டான். அவன் யார் கூடப் பேசிக் கொண்டிருப்பான் என்று நான் சொல்ல வேண்டியதில்லை.

சமீபத்தில் தினமலர் வாரமலரில் அந்துமணி ஒரு காரின் முன்பு நிற்பது போன்ற புகைப்படத்தினைப் பார்த்தேன். நீங்களும் பாருங்கள்.

நன்றி : வாரமலர், தினமலர், அந்துமணி

மேலே இருக்கும் கார் தான் மசரெட்டி கார். குட்டிப்பையன் சூப்பரா இருக்கான் பாருங்க. சினிமா ஹீரோவாக ஆகலாம்.

– அனாதி


ரஜினிகாந்த் அரசியலுக்கு வரப்போகிறாரா?

ஜனவரி 19, 2017

தன் புதுப்பட வெளியீட்டு நெருங்குகிற வேளைகளில் ரஜின் தன் திருவாய் மலர்ந்தருள்வது வாடிக்கை. தமிழகத்தில் அசாதரண நிலை நிலவுகிறது. குடும்ப ஆட்சிகள் நடைபெறுகின்றன என்று அரசியல் பேசி இருக்கிறார்.

குடும்ப ஆட்சி நடந்த போது அவர்களின் திரைப்படத்தில் நடித்தார். கோடிகளில் சம்பளம் வாங்கினார். அப்போது குடும்ப அரசியல் நடைபெறுகிறது என்று தெரியவில்லையா? அவர்கள் கொடுத்த சம்பளம் குடும்ப ஆட்சியிலிருந்து வந்தது என்று தெரியவில்லையா?

சினிமாவில் மகள்கள், மருமகன்கள், சம்பந்திகள், சம்பந்திகளின் உறவினர்கள் என்று தங்களுக்குள்ளே படம் தயாரிப்பார்கள், விற்பார்கள், லாபம் சம்பாதிப்பார்கள். அது மட்டும் சரி. சினிமாவில் புதியவர்களை நுழைய விடுகின்றீர்களா? கண்ணுக்குத் தெரியாத ஆயுதங்களைப் பயன்படுத்தி ஒழித்துக் கட்டுகின்றார்கள்.

தாங்கள் ஒரே குடும்பத்துக்குள் செய்தால் எங்களுக்கு சினிமா தவிர்த்து வேறு ஏதும் தெரியாது என்று பேசுவார்கள்.

அதே போலத்தான் அரசியலும். அரசியல் செய்தவர்களுக்கு அரசியல் தவிர்த்து வேறு ஏதும் தெரியாது என்பார்கள். சினிமாவில் குடும்பமே இருக்கலாம் என்கிற போது அரசியலில் இருந்தால் என்ன தவறு? ஏனிந்த எரிச்சல் உங்களுக்கு?

இனி உங்கள் பேச்சை சுத்த தமிழர்கள் எவரும் நம்பி ஏமாற மாட்டார்கள்.

கிமலரும் குகடனும் வரிந்து கட்டிக் கொண்டு அதிமுகவிற்கு எதிராக எழுதுகின்றார்கள். கூபா அரசியலுக்கு வரும் போது வேறு எவரும் வரக்கூடாதா? என்னங்க சார் உங்க பத்திரிக்கை தர்மம்?

ஒருவர் எழுதி இருக்கிறார் மணி அடித்தவர் வாத்தியார் ஆகலாமா? என. ஆரிய தர்மத்தில் வேண்டுமானால் அப்படி இருக்கலாம். ஆனால் தமிழர் சமூகத்தில் அப்படி இல்லை. தமிழர்களுக்குள் சிண்டு முடிந்து விட்டு குளிர்காய்வதிலும் தமிழகத்திற்கு தமிழர் அல்லாது ஆரியரோ அல்லது வேறு ஆட்களோ தலைவராகத்தான் வர வேண்டுமென்று நினைத்து சூதுகளைச் செய்து செய்திகளைப் பரப்பி வரும் கெடுமதியாளர்கள் தின்று கொண்டிருப்பது ஒவ்வொரு தமிழனும் கொடுக்கும் காசுதான். உண்ட வீட்டுக்கே ரெண்டகம் நினைக்கும் சில ஆரியப்பத்திரிக்கைகளை அடையாளம் கண்டுகொண்டு தமிழர்கள் நடத்தும் பத்திரிக்கைகளை வாங்கிப் படிக்க ஆரம்பிக்க வேண்டும்.

இத்தகைய சூதுக்களை இப்போதெல்லாம் வெகு தெளிவாக மக்கள் புரிந்து கொள்கிறார்கள் என்பது கூடத் தெரியாமல் சூதும் வாதும் நிறைச் செய்திகளை தினம்தோறும் வெளியிடுகிறார்கள்.

ஒரு தமிழச்சி தலைவராக ஆவதா என்று வயித்தெரிச்சலில் தினம்தோறும் அதிமுக உடைப்பு என சில்வண்டுகளின் ரீங்காரத்தை செய்திகளாக்கி பொய்யுரைப் பரப்பி வருகின்றார்கள்.

அதற்கு ஒரு சில கபாலிகளும் துணை போகின்றார்கள். ஒவ்வொரு தமிழனும் கொடுத்த காசில் தின்று கொழுப்பெழுத்து செய் நன்றி மறந்து தீங்கு செய்ய நினைத்திடும் தீய சக்திகளை அடையாளம் கண்டு கொள்ள வேண்டும்.

காமராஜர் என்ற தமிழர் ஆட்சியில் இருந்த போது நடந்த மக்கள் நல திட்டங்களைப் போல சுத்த தமிழரான அதிமுக செயலாளரும், தற்போதைய முதன் மந்திரியும் செய்வார்கள் என நம்பலாம்.

தேமுதிகவிலிருந்து பிரிந்து போனவர்களின் தற்போதைய நிலை என்னவென்று அனைவருக்கும் தெரியும். இதே நிலைதான் சுய நலசக்திகளுக்கு துணை போகும் புரியாதவர்களுக்கு ஏற்படும். சக்தி நிறைந்த அதிமுகவை உடைக்க ஆசைப்படும் குள்ள நரிக்கூட்டத்தாரின் நயவஞ்சக சிந்தனைகளைப் புரிந்து கொள்ள முயலுங்கள்.

ஜெயலலிதாவை அடித்து உதைத்து சேலையைக் கிழித்து எரிந்தபோது இன்றைக்கு அரசியல் பேசி, தர்மம் நியாயம் பேசும் எவரும் சென்று காப்பாற்றவில்லை. வேஸ்டியை மடித்துக் கட்டிக் கொண்டு கார்டனின் கேட்டில் விடிய விடிய கண் விழித்து பாதுகாத்து நின்றவர்கள் இன்று பேசுகிறார்கள். கேட்பதற்கு எரிச்சல் வருகிறது. அய்யோ அய்யோ என்று அலருகின்றார்கள்.

அதிமுக ஆதரவாளன் என்று நினைக்கலாம். ஆனால் அதுவல்ல உண்மை. தமிழ் நாட்டினை தமிழர் ஆள வேண்டும் அவ்வளவுதான். அரசியலில் ஊழல் துஷ்பிரயோகம் என்பதெல்லாம் நமக்குள்ளே இருப்பது.

இத்தனை நாள் ஏமாந்தது போதும். சூது செய்யும் பகல் வேஷக்காரர்களையும், தன் இனத்தை மட்டுமே உயர் பொறுப்பில் வைத்திட நினைத்திடும் கூட்டத்தாரையும் புரிந்து கொள்ள வேண்டும்.

என் சாமியைக் கும்பிட எனக்கெதுக்கு ஒரு ஆள் என என்று தமிழர்கள் கேள்வி கேட்க ஆரம்பிக்கின்றார்களோ அன்று ஆரம்பிக்கும் தமிழர்களுக்கான விடியல். வட இந்தியாவில் ஒவ்வொருவரும் தானே பூஜை செய்யலாம். அங்கிருக்கும் கடவுள் அதை ஒத்துக் கொள்கிறார். ஆனால் தென்னிந்தியாவில் அந்தக் கடவுள் ஒத்துக் கொள்ள மாட்டாரா?

– அனாதி


%d bloggers like this: