படம் சொல்லும் உண்மை – ஏமாளி இந்தியர்கள்

ஓகஸ்ட் 8, 2017

கடந்த மாதமே படித்து விட்டேன். தற்போதுதான் நேரம் கிடைத்தது அப்லோடு செய்ய. இந்தக் கடன்கள் எங்கிருந்து பெறப்பட்டவை என்பது விஜய மல்லையா போன்று சம்பவங்கள் நடந்தால் தெரிய வரலாம். இதற்கு யார் பொறுப்பு ஏற்பது என்பது எவருக்கும் தெரியாது. முடங்கப் போகும் பணம் மக்களிடமிருந்து கிடைத்தவை என்பதை மட்டும் உண்மை.  இந்த இதழில் அனில் அம்பானியின் ஆர் காம் பற்றிய கட்டுரை வந்திருக்கிறது. ஒரே திகில் தான். ஒரு வேளை சோறு கிடைக்காமல் சாகின்றார்கள் இந்தியர்கள். ஒரே ஒருவர் செய்யும் நஷ்டம் லட்சம் கோடிகளில்.  ஜனநாயகம் என்பது இதுதானோ??? – அனாதி

15021840916611502184171501

நன்றி : பிசினஸ் டுடே.


அதிமுக – உண்மை என்ன?

ஓகஸ்ட் 5, 2017

அதிமுகவில் என்ன தான் நடக்கிறது? எதிர்காலத்தில் என்ன ஆகும்? – கொஞ்சம் விளக்கமுடியுமா அனாதி? – காவ்யா முத்தரசன்.

நான்கு வருடங்களுக்கும் ஒன்றுமே நடக்காது என்று நம்பலாம். ஏனென்றால் இன்றைய நிலையில் பன்னீரோ, எடப்பாடி அவர்களோ, தினகரனோ ஆட்சியைக் கலைத்து விட்டு பொதுமக்களிடம் ஓட்டுக் கேட்கச் சென்றால் ஒருவரும் ஓட்டுப் போட மாட்டார்கள் என்பது அவர்கள் அனைவருக்கும் தெரிந்த உண்மை. அதுமட்டுமல்ல ஆட்சியைக் கலைத்து விடவும் மாட்டார்கள். தினமும் பத்திரிக்கைகளுக்குச் செய்தி கிடைத்த வண்ணம் இருக்கும். தமிழகம் பரபரப்பாய் இருக்கும். மக்கள் நலத்திட்டங்கள் ஒவ்வொன்றும் மத்திய அரசின் விருப்பத்தின் படியே நடக்கும். மத்திய அரசிடம் வலுவான ஐடி, ஊழல், சிபிஐ மூன்றும் இருக்கும் வரையிலும், தவறு செய்தவர்கள் பதவியில் இருக்கும் வரையிலும் அதிமுக அடிமையாகத்தான் இருக்க முடியும். பாதிக்கப்படப்போவது தமிழகம் மட்டுமே.

சசிகலாவை வைத்து கட்சியைப் பலப்படுத்தி இருக்க வேண்டும். ஆனால் டெல்லி சுல்தானேட்டினால் அது முடியாமல் போய் விட்டது. எப்போதும் டெல்லியின் மனதுக்கு கோணல் வராதவாறு நடந்து கொள்ள வேண்டும். இருப்பினும் ஒரு சிலரின் பேராசையினாலும், அவர்கள் செய்த தவறினாலும் அதிமுகவின் இன்றைய நிலை காற்றில் வைத்த சூடம் போல ஆகி விட்டது. சூடம் காற்றில் ஆவியாகி விடும். அது பற்றிய சந்தேகமே வேண்டாம். அது காலத்தின் கட்டாயமாகக் கூட இருக்கலாம்.

அதிமுகவிற்கு ஒரே ஒரு வழி மட்டுமே இருக்கிறது. பதவி ஆசை இல்லாமல், மாபெரும் இயக்கத்தைக் கட்டிக் காத்திட(ஒன்றும் ஆகப்போவதில்லை) அதிமுக தலைமையில் யாராவது ஒருவர் மூலம் ஒன்று சேர்ந்திட வேண்டும். ஆனால் மாட்டார்கள். சசிகலா இருந்தார் என்றால் இந்தப் பிரச்சினை வந்திருக்காது. ஆனாலும் எதுவோ ஒரு புள்ளியில் இணைந்தால் கொஞ்சம் நஞ்சமிருக்கும் அதிமுகவினரின் ஓட்டு வங்கி காப்பாற்றக்கூடும்.

தற்போது களத்தில் நிற்கும் சில அரசியல்கட்சிகளுக்கு அதிமுக சூடத்தின் விளைவாக ஓட்டு வங்கி பிரிந்து விடும் போலத் தெரிகின்றது. திமுக செயல்தலைவருக்கு லட்டாகக் கிடைத்திருக்கும் வாய்ப்பை ஏன் நழுவ விடுகிறார் என்று தான் புரியவில்லை. வாசல் தேடி வந்திருக்கும் வாய்ப்பை வசதியாக ஏற்க மறுக்கிறார். இனி அப்படி ஒரு சான்ஸ் கிடைக்குமா? என்பதெல்லாம் காலத்தின் கையில் இருக்கிறது. இதுவே கலைஞராக இருந்திருந்தால் இன்னேரம் திமுக ஆட்சி நடைபெற்றுக் கொண்டிருக்கும். சரி அது போகட்டும். தலைக்கு மேல் பல கூரான கத்திகளைத் தொங்க விட்டுக் கொண்டிருக்கும் திமுகவின் நிலையும் பரிதாபத்துக்கு உரியதுதான்.

உப்பு என்றாலும் ஊழல் என்றாலும் ஒன்றுதான். தண்ணீர் குடித்தே ஆக வேண்டிய தருணம் வந்தே தீரும் என்பது அதிமுகவின் வரலாறு மூலம் தெரிந்து கொண்டிருக்கிறோம். அதிமுக இனி வரலாற்றில் படிக்கப்பட வேண்டிய பாடமா இல்லை நிகழ்காலத்தில் நடக்க இருக்கும் செய்தியா என்பது அதன் தற்போதைய தலைவர்களால் தேர்ந்தெடுக்கப்பட வேண்டிய விஷயம்.

பிஜேபிக்கு ஒரு சிறிய குறிப்பு : நரசிம்மராவ் ஆட்சியில் உர ஊழல் என்று ஒன்று நடந்ததே அதை ஏன் எவரும் கண்டு கொள்ளவே இல்லை?

– அனாதி

அந்த உர ஊழல் பற்றிய சிறு குறிப்பு கீழே – ( நன்றி : மதிமுக இணையதளம் -ஆசிரியர் செந்திலதிபன்)

நரசிம்மராவ் காலத்தில் இன்னொரு பேர் பெற்ற ஊழல் ‘யூரியா’ ஊழல்; இந்திய அரசின் தேசிய உர நிறுவனம் ( NFL ), துருக்கியில் கார்சன் டானிஸ் மான்லிக் டுரிகாம் சமாயி டிகார்கட் லிமிடெட்(!) என்ற நிறுவனத்திடமிருந்து இரண்டு இலட்சம் டன் யூரியா வாங்கிட 1995, அக்டோபரில் ஒப்பந்தம் போட்டது. ஒப்பந்தம் போடப்பட்ட உடனேயே, தேசிய உர நிறுவனம் சம்பந்தப்பட்ட அமைச்சர் ஒப்புதலுடன், கார்சன் கம்பெனிக்கு உரத்துக்கான முழுத் தொகையைக் கொடுத்து விட்டது. ஆனால், ‘யூரியா’ மட்டும் இறக்குமதி ஆகவில்லை. கார்சன் கம்பெனியின் ஏஜெண்ட், ‘சாய்கிருஷ்ண இம்பெக்ஸ்’ நிறுவனத்தின் பெயரில் ஹைதராபாத் ‘ஏ என் இசர்ட் கிரிண்ட்லேஸ்’ வங்கியில் கணக்கு இருந்தது. அந்தக் கணக்கில் ‘துருக்கி’ நாட்டு கார்சன் கம்பெனி மூலம் கமிஷன் பணம் ஹவலா மூலம் அனுப்பி வைக்கப்பட்டது. அதாவது, ‘யூரியா’ இறக்குமதி செய்யாமலேயே இறக்குமதி ஆனதாகக் காட்டி, கமிஷன் தொகை கறக்கப்பட்டது. இந்த யூரியா ஊழலை விசாரித்த சிபிஐ, கார்சன் நிறுவனம் ஒரு ‘உப்புமா’ கம்பெனி என்றும் கண்டு பிடித்தது. இதில் ஆதாயம் அடைந்த பிரதமர் நரசிம்மராவ் உறவினர் பி.சஞ்சீவராவ், மத்திய அமைச்சராக இருந்த ராம் லக்கன் சிங் யாதவ் மகன் பிரகாஷ்சந்திர யாதவ், தேசிய உர நிறுவனத்தின் முன்னாள் நிர்வாக இயக்குநர் சி.கே.இராமகிருஷ்ணன் ஆகியோர் மீது குற்றப்பத்திரிகை தாக்கல் செய்யப்பட்டது.

இணைப்பு:

உர ஊழல் – சிறு குறிப்பு


மந்தாகினியும் மசரெட்டியும்

மே 23, 2017

மசுரு ரெட்டி என்று எழுத வேண்டியதை மசரெட்டி என்று எழுதி இருக்கிறார் என்று நினைக்காதீர்கள். சுமார் இரண்டு கோடி ரூபாய் மதிப்பு கொண்ட கஸ்டம் பில்டு காரின் பெயர் தான் மசரெட்டி. சொகுசுக்கார். உள்ளே கொஞ்சம் கூட உறுமல் சத்தம் கூட கேட்காத, அதிராத கார். வாடிக்கையாளர்களின் தேவைக்கு ஏற்ப உற்பத்தி செய்து தரப்படுபவை இவைகள். உலகின் அதி பணக்காரர்கள் என்பதை விட பெண்களின் மீதும், உணவின் மீதும்,
வித்தியாசமான வாழ்க்கையின்மீதும் அதீத பற்றுக் கொண்ட ரசனையாளர்களின் தேர்வு தான் மசரெட்டி கார். உல்லாச உலகம் சாலையில் வலம் வருவது என்று வைத்துக் கொள்ளுங்களேன்.

ஒரு சிலர் தன் பிறந்த நாளைக் காரின் எண்ணாக வைப்பர். அதாவது எனது பிறந்த நாளான 4.7.1986ஐ 4786 என்று வைக்கலாம். தங்கள் வைத்திருக்கும் காரினைக் கூட தன் ஆளுமைக்குள் வைத்துக்கொள்ளும் மனப்பாங்கு உடையவர்கள் அவர்கள். இப்படிப்பட்ட ரசனையான மனிதர்கள் உலகில் அனேகம்.

பணம் சம்பாதிப்பது பெரிதல்ல. பிச்சைக்காரன் கூட சம்பாதிக்கிறான். ஆனால் வாழத் தெரிய வேண்டும். அதன் தாத்பரியம் தெரிய வேண்டும். நம்ம குஞ்சு இருக்கின்றானே, அவன் அப்படித்தான். ஹோட்டலில் வேலை செய்வான், திடீரென்று ஃபார்ச்சூனர் காணாமல் போய் இருக்கும். போன் செய்தால் கூட பேசமாட்டான். அவன் யார் கூடப் பேசிக் கொண்டிருப்பான் என்று நான் சொல்ல வேண்டியதில்லை.

சமீபத்தில் தினமலர் வாரமலரில் அந்துமணி ஒரு காரின் முன்பு நிற்பது போன்ற புகைப்படத்தினைப் பார்த்தேன். நீங்களும் பாருங்கள்.

நன்றி : வாரமலர், தினமலர், அந்துமணி

மேலே இருக்கும் கார் தான் மசரெட்டி கார். குட்டிப்பையன் சூப்பரா இருக்கான் பாருங்க. சினிமா ஹீரோவாக ஆகலாம்.

– அனாதி


குஞ்சுவுக்காக காத்திருக்கும் அவனது காதலி

மார்ச் 3, 2016

”உனக்காக காத்திருப்பது என்ன ஒரு வேதனை என்று தெரியுமா குஞ்சு?” என்று கேட்ட எனது காதலியே !

Kunju Lover

உன் விழி வழியே வழிந்தோடும் காதலில் மூழ்கி மூச்சடைத்து, உன்னோடு கலந்து விட ஓடோடி வந்து கொண்டிருக்கின்றேன் என் ஜீவனே !

காற்றினூடே கலந்து தேடியலையும் என் உயிர் மூச்சு உன்னை நான் சரணடைவதற்குள், உன்னைத் தேடி வந்தடையும் என் அன்பே !

உன் வெது வெதுப்பான கைகளுக்குள் என் மூச்சைப் பிடித்து வைத்துக் கொள் தேவதையே! இல்லையென்றால் உன்னைக் காண இயலாமல் பதைபதைக்கும் என் நெஞ்சம் போல துடித்து துவண்டு போகுமென் அன்பே!

இதோ ஓடிக் கொண்டேயிருக்கிறேன் அன்பே உன்னைக் காண்பதற்கு! என் கண்களுக்குள் காட்சியாய் உன் உருவம் மட்டுமே தெரிகிறது அன்பே! கால்களில் முட்கள் குத்திக் கிழிக்கின்றன அன்பே! இரத்தம் கொப்பளிக்க வழிந்தோடும் துளிகளுடன் விடாது உன் அன்பெனும் உயிரோடு காற்றோடு காற்றாய் விரைந்து வந்து கொண்டிருக்கிறேன் அன்பே! உன் சோகப் பார்வை என்னைக் கொல்கிறது அன்பே!

ஓடி வந்து கொண்டிருக்கிறேன் அன்பே !

அது வரை காத்திருடா செல்லம் !

Kiss Art

– உன் பிரிய காதலன் குஞ்சாமணி என்கிற குலசேகரன்


மீண்டும் ஒரே நிகழ்வு – என்ன நடக்கும்?

ஓகஸ்ட் 20, 2015

காலத்தின் போக்கில் எண்ணற்ற சிறு சம்பவங்கள் பெரும் அழிவுகளை உருவாக்கி விடுகின்றன. தமிழர்களின் வரலாற்றில் காமராஜர் மிக முக்கியமான தலைவர். அவரைப் போன்ற தலைவரை இனி எந்தக் காலத்திலும் தமிழகம் காணவே முடியாது.

ஒரு காலத்தில் திமுகவினர் கூட்டத்தில் காங்கிரஸ்ஸார் கல்லெறிவார்கள். அழுகிய முட்டையை அடிப்பார்கள். பல கலவரங்களை உருவாக்கினார்கள். அப்போது திமுக ஒரு வளர்ந்து வந்த கட்சி !

கையில் தடிகளை வைத்துக் கொண்டு காங்கிரஸ்ஸார்கள் வீடுகளுக்குள் புகுந்து அடித்த கதையெல்லாம் தமிழகத்தின் வரலாற்றுப் பக்கங்களில் எழுதப்பட்டிருக்கின்றன.

அதே நிலை இன்று தமிழகத்தில் நடக்கிறது.

என்ன நடக்கப்போகிறது? பொறுத்திருப்போம் !

– அனாதி


மனதுக்குள் புழுங்கும் தமிழக மக்கள்

மே 12, 2015

அனாதி இந்த தீர்ப்பை எப்படிப் பார்க்கின்றீர்கள்? – தஞ்சையிலிருந்து முத்து.

அரசியலமைப்புச் சட்டத்தின் மீது நம்பிக்கை கொண்டிருந்த மக்கள் தங்கள் நம்பிக்கையை முழுவதுமாக இழந்து விட்டார்கள். பலபேர் என்னிடம் கேட்டது “என்ன சார்? இப்படிப் பண்ணிட்டாங்க?”.

தமிழக மக்கள் மனதுக்குள் புழுங்கிக் கொண்டிருக்கின்றனர்.

அனைவருக்கும் தெரியும், தவறு நடந்திருக்கிறது என்பது. ஆனால் நடந்திருப்பது மனம் கனக்கச் செய்யும் ஒரு நிகழ்வு.

இதற்கான விலையை சம்பந்தப்பட்டவர்களிடம் தர்மமும், நீதியும் கேட்கும் காலம் வெகு விரைவில் வந்தே தீரும்.


கட்டப்பஞ்சாயத்து செய்யும் அவர்

மார்ச் 12, 2015

ஒரு பிரபல பத்திரிக்கையில் அவரைப் பற்றி செய்தி வெளி வராத நாள் இருக்காது. ஒன்றுக்கும் இல்லாத செய்தியை பத்திரிக்கையின் ஏதோ ஒரு மூலையிலாவது வெளியிடுவார்கள்.

நாட்டு மக்களுக்கு நல்லது செய்தாரா அவர்? இல்லை

தன்னை நம்பிய குடும்பத்துக்காவது நம்பிக்கையாக இருந்தாரா? இல்லை

தன்னை நம்பி வந்தவரை நன்றாக பார்த்துக் கொண்டாரா? இல்லை.

காசே தான் கடவுளடா என்பது அவரது சித்தாந்தம். மாமிகள் அவரின் வேதாந்தம். கல்யாணம் ஆனது இல்லையென்றால் கல்யாணமே நடக்காமல் தனியாக வாழ்ந்து வரும் மாமிகள் என்றால் வாயில் அமேசான் வடியும் இவருக்கு.

ஜால்ரா அடிப்பதில் ஆள் கெட்டிக்காரர். வசூலுக்கு இன்றைக்கு தலைமையிடத்தில் அவர் செய்யும் தொழில் “கட்டப்பஞ்சாயத்து”. ஜால்ரா சத்தத்தில் இந்தச் செய்தி காதில் விழாமல் பார்த்துக் கொண்டு கல்லாவை நிரப்பிக் கொண்டிருக்கிறார் ஆள்.

என்ன நாஞ்சொல்றது சரிதானே???

– குஞ்சாமணி


%d bloggers like this: