அனாதியின் பதிவிற்கு எதிராய்

அன்பின் அனாதி, நீண்ட நாட்களுக்குப் பிறகு உங்கள் பதிவை படித்த சந்தோஷம் ஒரு பக்கம் இருந்தாலும், உங்களைப் போன்ற மேட்டுக்குடித்தனக்காரகளின் வெற்றியைக் கொண்டாடும், திமிர்த்தனம் சார்ந்த பொதுவாழ்வு தந்த பொருள்வாழ்வு – கலைஞர் இன் கார்ப் பதிவிற்கு எனது கடுமையான கண்டனத்தை தெரிவிக்கிறேன்.

இந்தியாவிலேயே சிறந்த முதலமைச்சர் திரு நரேந்திர மோடி என்று பத்திரிக்கைகள் சொல்கின்றன. ஆனால் கலைஞரை அவ்வாறு சொல்லவில்லையே ஏன்? தங்கள் தொழிலில் சிறந்து, இந்தியாவிலேயே மிகப் பெரிய கோடீஸ்வரராக ஆன முதல்வருக்கு, தமிழ் நாட்டை மட்டும் ஏன் மற்ற மாநிலங்களை விட, வளர்ச்சி அடைந்த மாநிலமாக மாற்ற முடியவில்லை?

தொழிலில் முன்னனியில் இருக்கும் இவரது குடும்பத்தார்களும் ஆட்சியில் தானே இருக்கின்றார்கள், தங்கள் தொழிலை வெற்றிகரமாக நடத்த தெரிந்த இவர்களால், தமிழகத்தை வளர்ச்சியின் பாதையில் கொண்டு செல்ல முடியவில்லை ஏன்? தமிழகத்தின் வளர்ச்சி நிதிகள் எல்லாம் எங்கே செல்கின்றன? 400 கோடி செலவு செய்து, கோவையில் போடப்பட்ட சாலைகள், வளர்ச்சிப் பணிகள் எல்லாம் ஒரு மழைக்குப் பிறகு பூமியில் புதையுண்டு போகின்றனவே ஏன்? தரம் எங்கே சென்றது அனாதி? அது என்னதான் ஆனது?

இதுபற்றியெல்லாம் ஒரு வார்த்தையும் சொல்லாமல் பொத்தாம் பொதுவாய் பாராட்டுகின்றீர்களே இது தான் உங்களின் தர்மமா? ஒரு தமிழன் தன்னையும், தன் குடும்பத்தையும் மட்டும் வளர்த்துக் கொண்டு, தன்னை நம்பிய தமிழ் நாட்டு மக்களை ஒரு ரூபாய் அரிசி வாங்கித் தின்னும் சூழ் நிலையில் வைத்திருக்கிறாரே, அதைப் பற்றிய ஒரு வார்த்தையும் நீங்கள் சொல்லவில்லையே ஏன்?

எங்கு பஞ்சைப் பராரிகளும், கையாலாகாதவர்களும், ஏழைகளும் நிறைந்திருக்கின்றார்களோ அங்கு தானே அரசு மானிய விலையில் அல்லது இலவசமாய் உணவோ அல்லது பொருளோ அளிக்கும். திமுக அரசு இலவசத்தைக் கொடுத்து, எங்கள் சாதனை பாரீர் என்று என்று மார்தட்டிக் கொள்கிறது. இது சாதனையா? தமிழகத்தின் அரசியல் தரத்தை, தமிழக மக்களை ஏழைகளாக மாற்றி, தானும் தன் குடும்பமும் இந்தியாவிலேயே மிகப் பெரிய கோடீஸ்வராக மாறியதை தாங்கள் பாராட்டியது கண்டு மனது வேதனை அடைகிறது.

அதிகாரம் கையில் இருந்த காரணத்தால் தான் வெறும் ஒன்பது ஆண்டுகளுக்குள் டைனோசார் வளர்ச்சியாய் மாற்றிக் கொண்டிருக்கிறார்கள் திமுக குடும்பத்தார்கள். இவர்கள் அதிகாரத்தில் இல்லையென்றால் கொசு கூட கோபாலபுரத்திற்கு போகாது என்பது உங்களுக்குத் தெரியுமா? நீங்கள் பாராட்டத்தான் செய்வீர்கள், ஏனென்றால் நீங்களெல்லாம் மேட்டுக்குடித்தனக்காரர்கள் என்பதால் தானே?

– குஞ்சாமணி எனும் குலசேகர பாண்டியன்

மறுமொழியொன்றை இடுங்கள்

Please log in using one of these methods to post your comment:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: