தோல்வி பயத்தில் திமுகவினர்

ஏதாவது அதிசயம் நடக்க வேண்டும் திமுக ஜெயிப்பதற்கு என்று சொல்கின்றார்கள்.

  • தொடர் மின் வெட்டு
  • தொழிற்சாலைகள் முடக்கம்
  • தொழிலாளிகள் வேலை இழப்பு
  • எண்ணெய், பருப்பு விலைகள் உயர்வு
  • மின் கட்டண உயர்வு
  • பெட்ரோல், டீசல் விலை உயர்வு
  • உலகமே காணாத 60,000 கோடி ஊழல்
  • அரசு கேபிள் டிவி முடக்கம்
  • குடும்பச் சண்டைகள்
  • செட் போட்டு செம்மொழி விழா நடத்தி அரை குறை வேலைகள்
  • பஸ் கட்டணங்கள் மறைமுக உயர்வு
  • ஓட்டுக்கு காசு கொடுத்து ஜன நாயகப் படுகொலை
  • கொலை, கொள்ளை அதிகரிப்பு

இப்படி இன்னும் சொல்லிக் கொண்டே போகலாம். திமுக ஆண்ட இந்த ஐந்து ஆண்டு கால ஆட்சியில் மக்கள் தங்கள் பொருள்களை இழந்தது தான் மிச்சம் என்கின்றார்கள். ஏன் அதிமுக ஆண்ட போது எந்த ஊழலுமே நடக்க வில்லையா என்று கேட்டால் பதில் இல்லை. ஆனால் தமிழக மக்கள் திமுக குடும்பத்தினரின் மீது வெறுப்பில் இருக்கின்றார்கள் என்பது போன்ற தோற்றம் உருவாகி விட்டது. அதற்கு கட்டியம் கூறுவது போல ஜெயலலிதாவிற்கு கூடிய கூட்டத்தைச் சொல்கின்றார்கள்.

இதுவரை தமிழக இளைஞர்களால் விரும்பப்பட்ட திரு ஸ்டாலின் தான் நடத்திய போராட்டத்தால் தானும் ஒரு நார்மலான அரசியல்வாதிதான் என்று அறிவித்திருக்கிறார். இளைஞர்கள் அவர் மீது எரிச்சலில் இருக்கின்றார்கள் என்றும் சொல்கின்றார்கள்.

ஜெயலலிதா வாய்தா வாங்குவது அவரது தனிப்பட்ட பிரச்சினை மற்றும் உரிமை. அதற்கு சட்டம் இடம் அளிக்கிறது என்கிற போது திமுகவினர் நடத்திய இந்தப் போராட்டம் சட்டத்திற்கு எதிரானது. தமிழ் நாட்டில் சட்டம் ஒழுங்கை பாதுகாத்து வரும் திமுக, மத்தியிலும் ஆட்சியில் பங்கு வகிக்கின்ற போது இந்தப் போராட்டம் தங்களின் ஆட்சியை தாங்களே எதிர்த்துக் கொள்வதாகும்.

சுருங்கச் சொல்லின் எதைத் தின்றால் பித்தம் தெளியும் என்ற நிலைக்குத் திமுக தள்ளப்பட்டிருக்கிறது என்று பெரும்பாலானோர் சொல்கின்றார்கள். அதற்கு இன்னொரு காரணமாய் ஜெயலலிதா கோவையில் கூட்டிய கூட்டத்திற்கு, போட்டிக் கூட்டம் நடத்தியதையும் சுட்டிக் காட்டுகின்றார்கள்.  இதற்கிடையில் ஆட்சியில் பங்கு என்ற நிலைக்கு திமுக ஒத்துக் கொண்டால் தான் கூட்டணி என்று காங்கிரஸ் சொல்கிறது என்று பேசிக் கொள்கின்றார்கள்.இளங்கோவனின் பேச்சும், கார்த்தி சிதம்பரத்தின் சமீபத்திய பேச்சும் மறைமுகமாக சுட்டிக் காட்டுகின்றன. எது எப்படியோ விரைவில் ஒரு முடிவு ஏற்படத்தான் போகிறது.

– அரச்சான்.

மறுமொழியொன்றை இடுங்கள்

Please log in using one of these methods to post your comment:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: