இலங்கைத் தமிழர் பிரச்சினையால் !

இலங்கைத் தமிழர் பிரச்சினையால் அரசியல் கட்சிகளின் அக்மார்க் அயோக்கியத்தனமும், மீடியாக்களின் அரசியல் சார்ந்த செய்திகளும், செய்திகளை இருட்டடிப்பு செய்வதும் மீடியாக்களின் மீதான நம்பிக்கை முற்றிலுமாக சிதைந்து விட்டது.

இலங்கைத் தமிழர் பிரச்சினைக்காக குரல் கொடுத்த திரைப்படத் துறையினரின் போராட்டத்தை இருட்டடிப்பு செய்தது, பெண்கள் உண்ணாவிரதம் இருக்க இடம் கிடைக்காமல் போராடி தாயகத்தில் தொடர்ந்து உண்ணாவிரதம் இருக்கும் செய்தி, எண்ணற்றோர் தீக்குளித்து மாண்டு போன செய்திகளை தமிழ் நாட்டின் பாப்புலர் செய்தி நிறுவனங்கள் மறைத்து விட்டது ஜன நாயகத்தின் மூன்றாவது தூணாக விளங்கும் பத்திரிக்கை துறைகளின் அரசியல் சார்பு நிலையினை படம் பிடித்துக் காட்டுகிறது.

இந்திய ஜன நாயகத்திற்கு வேட்டு வைக்கும் ஆபத்து மீடியாக்களின் அரசியல் சார்பு நிலையால் உருவாகி விடும்.

செய்தி தாள்களில் வரும் செய்திகளைப் பார்க்கும் போது இலங்கையில் தமிழர்கள் கொத்துக் கொத்தாக கொலை செய்ய காரணம் யார் என்று விளங்குகிறது.

பிளாக்கர்ஸ் இல்லையென்றால் உண்மையான செய்திகளை அறிந்து கொள்ளவே முடியாது. வாழ்க பிளாக்கர்ஸ் சமுதாயம். வளர்க அவர்களின் தொண்டு !

தமிழனுக்காக ஒரு கட்சியோ அல்லது நல்ல அமைப்போ தமிழகத்தில் இல்லை. மும்பையில் சிவசேனா, கர்னாடகத்தில் வாட்டாள் போல தமிழகத்தில் தமிழர்களுக்காக ஒரு அமைப்பு எதிர்காலத்தில் உருவாக்கப்பட வேண்டியது அவசியம் என்ற சூழ் நிலைக்கு தமிழர்கள் தள்ளப்படுகிறார்கள். தமிழனுக்கு ஒரு ஆபத்தென்றால் படை திரண்டு செல்லும் அமைப்பு அவசியம் வேண்டும்.

இன்றைக்கு அரசியல் கட்சிகளால், தமிழர் அமைப்பு என்று சொல்லக்கூடிய பச்சோந்திக் கட்சிகளால் கைவிடப்பட்ட அனாதைகளாய், தமிழர்களின் சொல் அம்பலம் ஏறாத நிலையில் தமிழர்கள் வாழ்கிறார்கள்.

படித்த, சமுதாயத்தின் பேரில் அக்கறை கொண்ட இளைஞர்கள் ஒன்று சேர்ந்து தமிழர்களுக்கான அமைப்பை ஏன் தொடங்கக்கூடாது? தமிழின் மீதும் தமிழர்கள் மீது அன்பு கொண்ட பிளாக்கர்ஸ் இணைந்து தமிழனுக்கான அமைப்பு உருவாக்கலாமே ! செய்வார்களா ?

மறுமொழியொன்றை இடுங்கள்

Please log in using one of these methods to post your comment:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: